ހަމައެކަނި ނެޓްވޯކް މެމްބަރުންނަށް ހުޅުވާލެވިގެންވާ ތަމްތީނު، ވޯކްޝޮޕް، ވީޑިއޯ އަދި އެހެނިހެން ކޮންޓެންޓް ހޯދުމަށް ސަލާމަތް ނެޓްވޯކާ ގުޅިވަޑައިގަންނަވާ.
ސަލާމަތް ނެޓްވޯކްއަކީ ހަމަނުޖެހުން ހިނގަމުންދާ ސަރަޙައްދުތަކުން ރާއްޖެއަށް އެނބުރި އަންނަ ދިވެހި ރައްޔިތުން (ހާއްސަކޮށް އަންހެނުންނާއި ކުޑަކުދިން) ރިހެބިލިޓޭޓްކޮށް ރީއިންޓެގްރޭޓް ކުރުމުަގައި މުޅި މުޖުތަމަޢު ހިމެނޭ ވިސްނުމަކަށް (ހޯލް އޮފް ސޮސައިޓީ އެޕްރޯޗްއަކަށް) މަގުފަހިކޮށްދިނުމުގެގޮތުން، އާންމު މިންގަނޑުތަކެއްގެ ދަށުން ގުޅިފައިވާ ބައިވެރިންތަކެއް ހިމެނޭ ޤައުމީ ނިޒާމެއްގެ ގޮތުގައި މަސައްކަތްކުރާނެ ނެޓްވޯކްއެކެވެ. އަދ ދިވެހިރާއްޖޭގައި މި މަސައްކަތުގައި ޝާމިލުވާ ކޮންމެ ބައިވެރިއަކަށްވެސް ރީއިންޓެގްރޭޝަންއަށް އެކަށީގެންވާ މިންވަރަށް އިލްމާއި ހެކީގެމައްޗަށް ބިނާވެގެންވާ އެހީތެރިކަން ކަށަވަރުކުރުމަށް ސަލާމަތް ނެޓްވޯކްއިން މަސައްކަތް ކުރާނެއެވެ.
ސަލާމަތް މަޝްރޫއުއާ ބެހޭ
ސަލާމަތް މަޝްރޫއު ޤާއިމުކުރެވިފައިވަނީ ހަމަނުޖެހުން ހިނގަމުންދާ ސަރަޙައްދުތަކުން ރާއްޖެއަށް އެނބުރި އަންނަ ދިވެހި ރައްޔިތުން ރިހެބިލިޓޭޓްކޮށް ރީއިންޓެގްރޭޓް ކުރުމަށްޓަކައި މުޅި މުޖުތަމަޢު ހިމެނޭ ވިސްނުމަކަށް (ހޯލް އޮފް ސޮސައިޓީ އެޕްރޯޗްއަކަށް) މަގުފަހިކޮށްދޭ، އަދި އެއް މިންގަނޑުތަކެއްގެ ދަށުން މަސައްކަތް ކުރާ ބައިވެރިންތަކެއް ހިމެނޭ ޤައުމީ ނެޓްވޯކްއެއް އުފެއްދުމުގެ މަސައްކަތް ކުރިއަށް ގެންދިއުމަށެވެ. މައިގަނޑު މަޤްސަދަކީ މި މަސައްކަތުގައި ޝާމިލުވާ ކޮންމެ ފަރާތަކީވެސް، ސަރުކާރުގެ އިދާރާތަކާއި މަދަނީ ޖަމިއްޔާތަކަކީ، ފަރުދުން އެމީހުންގެ މުޖުތަމައުތަކަށް އެނބުރި ރައްދުވާ ހިނދު އެފަރުދުންނަށް އެކަށީގެންވާ ފެންވަރަށް އެހީތެރިކަން ފޯރުކޮށްދިނުމަށްޓަކާ، ކަމާ ބެހޭ އިލްމާއި ހެކީގެ މައްޗަށް ބިނާކޮށް އަމަލުކުރެވޭ އާދަތަކަކަށް އަހުލުވެރިވެފައިވާ ފަރާތްތަކެއްކަން ޔަގީންކުރުމެވެ.
ސަލާމަތް މަޝްރޫއުގެ ފަރާތުން ތިރީގައި މިދެންނެވޭ ކަންކަމަށްވެސް މަސައްކަތްކުރާނެއެވެ:
.ރިހެބިލިޓޭޝަން އަދި ރީއިންޓެގްރޭޝަން ހަރަކާތްތަކުގައި ބައިވެރިވާ ފަރާތްތަކުގެ މެދުގައި ކޯޑިނޭޝަން އަދި މައުލޫމާތު ހިއްސާކުރުން އިތުރަށް ފުޅާކުރުން
ހަމަނުޖެހުން ހިނގަމުންދާ ސަރަޙައްދުތަކުން ރާއްޖެއަށް އެނބުރި އަންނަ ދިވެހި ރައްޔިތުން (ހާއްސަކޮށް އަންހެނުންނާއި ކުޑަކުދިން) ރީއިންޓެގްރޭޓް އަދި ރިހެބިލިޓޭޓް ކުރުމުގެ ދާއިރާގެ އެންމެ ރަނގަޅު އާދަތަކާއި ބެހޭ ގޮތުން މި މަސައްކަތުގައި ހިއްސާވާ ފަރާތްތަކަށް ދުރާލާ މައުލޫމާތު ފޯރުކޮށްދިީ ހޭލުންތެރިކުރުވުން.
އެކަށީގެންވާ ފެންވަރަށް ރީއިންޓެގްރޭޝަން ޕްލޭންތައް ފަރުމާކޮށް، ރާއްޖޭގެ އެންމެހާ ކަންކޮޅެއްގައި އެ ފަރުދަކު ދިރިއުޅޭ މުޖުތަމަޢުއަކުން ހަރުދަނާގޮތެއްގައި ނަފްސާނީ ސިއްހަތުގެ ޚިދުމަތްތަކާއި ސައިކޮސޯޝަލް އެހީތެރިކަން ލިބޭނެގޮތް ހަމަޖައްސާ، އާންމު ސަލާމަތާއި ރައްކާތެރިކަން ކަށަވަރު ކުރުން.
ސަލާމަތް ނެޓްވޯކްއަކީ ހަމަނުޖެހުން ހިނގަމުންދާ ސަރަޙައްދުތަކުން އެނބުރި އަންނަ ދިވެހި ރައްޔިތުންނަށް ރައްކާތެރި، ދުޅަހެޔޮ އަދި ޝަރަފުވެރި ރިހެބިލިޓޭޝަން އަދި ރީއިންޓެގްރޭޝަންެއަކަށް މަގުފަހިކޮށްދިނުމުގެ ގޮތުން، އާންމު މިންގަނޑުތަކެއްގެ ދަށުން ގުޅިފައިވާ ބައިވެރިންތަކެއް ހިމެނޭ ޤައުމީ ނިޒާމެއްގެ ގޮތުގައި މަސައްކަތްކުރާ ނެޓްވޯކްއެކެވެ. އަޅުގަނޑުމެންގެ އަމާޒަކީ، އެނބުރި އަންނަ ފަރުދުންގެ ހިތްތަކުގައި ރައްކާތެރިކަމާއި، ބާރުވެރިކަމާއި، އަމިއްލަ ނަފްސުގެ އަގު ވަޒަންކުރުމުގެ އިޙްސާސްތައް އައުލާ ކުރުވާ، މިއަާއި އެކު ދިގުމުއްދަތުގައި ޓެރަރިޒަމްއިން1 ޤައުމު އަރައިގަތުމުގެ ގާބިލުކަން އިތުރުކުރުމެވެ.
1 މިތާނގައި ޓެރަރިޒަމް މާނަކުރެވިފައިވަނީ ޤާނޫނު ނަންބަރު 32/1025 ޓެރަރިޒަމް މަނާކުރުމުގެ ޤާނޫނު އަށް 1 ވަނަ އިޞްލާޙު ގެނައުމުގެ ޤާނޫނުގައި ބަޔާންކުރެވިފައިވާ ފަދައިންނެވެ.